ಗಜ್ಜರಿ ಪಾಯಸ

 ನಾನು ಇದನ್ನು ಧಾರವಾಡದಲ್ಲಿ ಎಂ. ಎ  ಪಿಎಚ್.ಡಿ  ಮಾಡಲು ಹಾಸ್ಟೆಲ್ನಲ್ಲಿ ಇದ್ದಾಗ , ಅಲ್ಲಿ ಮೆಸ್ಸ್  ಆಂಟಿ ಹತ್ರಾ ಕಲಿತಿದ್ದು. ಮಾದೇವಿ ಆಂಟಿಗೆ ಥ್ಯಾಂಕ್ಸ್ .....

ಅಗತ್ಯಗಳು: 

ಗಜ್ಜರಿ   ೫< ೫ಜನರಿಗೆ >

ಹಾಲು  ಅರ್ಧಾ ಲೀಟರ್ 

ಸಕ್ಕರೆ ೫ ಚಮಚ 

ತುಪ್ಪ ೩ ಚಮಚ 

ಬೇಕಾದರೆ ಗೋಡಂಬಿ .. ಬಾದಾಮಿ ಚೂರುಗಳು 

ಮಾಡಲೇ ಬೇಕಾಗಿದ್ದು: 

ಮೊದಲು  ಗಜ್ಜರಿಯನ್ನು ತೊಳೆದು ಮೇಲಿನ ಪದರವನ್ನು ತೆಗೆದು... ಸ್ವಚ್ಚಮಾಡಿ. ಗಜ್ಜರಿಯನ್ನು ತುರಿದು  ತುಪ್ಪ ಹಾಕಿ  ಸಣ್ಣ ಉರಿಯಲ್ಲಿ ಹುರಿದುಕೊಳ್ಳಿ. ಸ್ವಲ್ಪ ಆರಿದಮೇಲೆ ಆ ಹುರಿದ ಗಜ್ಜರಿಯ ತುರಿಯನ್ನು ಮಿಕ್ಸಿಯಲ್ಲಿ ಒಂದು ಕ್ಷಣ  ತಿರುಗಿಸಿ. ೧ ಕ್ಷಣ ಇದು ನೆನಪಿರಲಿ. ಆಮೇಲೆ ಈ  ಪುಡಿಯಾದ ಗಜ್ಜರಿಯನ್ನು ದಪ್ಪ ತಳದ ಪಾತ್ರೆಯಲ್ಲಿ ಹಾಲಿನೊಂದಿಗೆಸಕ್ಕರೆ ಹಾಕಿ  ೧೦ ನಿಮಿಷ  ಕುದಿಸಿ. ಗೋಡಂಬಿ  ಚೂರುಗಳನ್ನೂ ಕುದಿಯುವಾಗಲೇ ಹಾಕಿ. ಗೋಡಂಬಿಯನ್ನು ಹುರಿಯಬಾರದು. ಈ ಪಾಯಸ ಬಿಸಿಯಾಗಿರುವದಕಿಂಥ ಫ್ರಿಡ್ಜ್ ನಲ್ಲಿ ಇಟ್ಟು ತಂಪಾಗಿಸಿದರೆ ಇನ್ನು ರುಚಿಯೆನಿಸುವದು. ಇದಕ್ಕೆ ಬೇಕಾದರೆ ಖೋವಾ ಹಾಕಬಹುದು. 

ಬಣ್ಣ ಕೂಡಾ  ನೋಡಲು ಚೆಂದ. 

ಫೋಟೋ ನಾನು ಗೂಗಲ್ ನಿಂದ  ತೆಗೆದುಕೊಂಡಿದ್ದೇನೆ.  ಸಧ್ಯ ಈ ಪಾಯಸ ಮಾಡಿರದ ಕಾರಣ!