ನಿನಗೊಂದಿಷ್ಟು ಪಾಲಿದೆ

ಭವದ ಬಾಳ ನಾಳೆಗಾಗಿ

ನಿನ್ನೆದೊಂದಿಷ್ಟು ಕನಸಿದೆ

ಇಟ್ಟ ಬಿಟ್ಟ ನೋವನಿಲ್ಲಿ

ಮರೆಯುವಂಥ ಮನಸಿದೆ.

ಬಾಳ ಬುತ್ತಿ ಹಿಡಿದು ಹೊರಟ

ಭಾವುಕನ ನೆನಹಿದೆ

ಸೋತ ಮನದ ಸಂದ ಫಲದ

ಸ್ವರೂಪಗಳ ಬಯಲಿದೆ .

ಚಿಪ್ಪಿನಲ್ಲಿ ಬಿದ್ದ ಹನಿಯ

ಮುತ್ತಾಗಿ ಪಡೆದ ನೆಲೆಯಿದೆ

ಬಿದ್ದ ಮಳೆಯ ತಂಪನೆಲ್ಲಾ

ಒಂದಾಗಿಸುವ ಹುರುಪಿದೆ .

ಕಾದುಕೊಂಡ -ಕಾವುಗೊಂಡ

ಕಾತರಗಳ ಸಾಲಿದೆ

ಸೇರಿಕೊಂಡ, ಸೋರಿ ಹೋದ

ಭಾವ - ಭಾವನೆಗಳಾ ಜೊತೆಯಿದೆ .

ಕಾಣದಿರುವ ಹೃದಯದಲ್ಲಿ 

ಪ್ರೀತಿ - ನೋವು ಅಡಗಿದೆ 

ಕಂಡು ಬಂದ ಸುಖದಲೆಲ್ಲಾ 

ನಿನಗೊಂದಿಷ್ಟು ಪಾಲಿದೆ. 

ಮನದ ಭಾವ ಅಡಗಿದಲ್ಲೇ

 ತಂಪಾದ  ಚಂದ್ರಿಕೆ ಹರಿದಿದೆ 

ಸೋತು ಗೆಲುವು ಕಂಡ ಮೇಲೆ 

ಇನ್ನೇನು ಕಾದಿದೆ? 

ಬಾಳ ಬಯಲ ದಾರಿಯಲ್ಲಿ 

ಭವದ ನಾಳೆ ಬರುತಿದೆ 

ನಿನ್ನೆ ಇದ್ದ ನೋವು ಎಲ್ಲಾ 

ಸುಖದೆಡೆಗೆ ತಿರುಗುತಿದೆ!