03 ಜನವರಿ 2012

ಪ್ರೀತಿಯ ತಾಯಂದರಿಗೊಂದು ಆತ್ಮೀಯ ಮಾತು

ಗೆಳತಿಯರೆ,
                 ಮನೆಗೊಂದು/ ಮನಕ್ಕೊಂದು ಮುದ್ದಾದ  ಮಗು ಬಂದಿದೆಯೆಂದರೆ ಸಂಭ್ರಮಿಸಿ. ಆ ಮಗುವಿಗೆ ಆತ್ಮೀಯ ಸ್ವಾಗತ ನೀಡಿ. ನಿಮ್ಮ ಬೆಚ್ಚನೆಯ ಸ್ಪರ್ಶಕ್ಕೆ ಹಸುಗೂಸು/ ಮಗು ಅಳು ನಿಲ್ಲಿಸಿ ನಗು ಸೂಸಲಿ. ನಿಮ್ಮ ಆತ್ಮೀಯರಿಗೋ/ ಪರಿಚಯದವರಿಗೋ/ ನಾದಿನಿ- ಅತ್ತಿಗೆ.... ಸಂಬಂಧಿಕರಲೋ ಇದೇ ಖುಷಿ ವಿಚಾರವಿದೆಯೆಂದರೂ ನಿಮ್ಮ ಮಗುವಿನ ಸಂಭ್ರಮವನ್ನೇ ಆಚರಿಸಿ. ಸ್ವಾಗತಿಸಿ- ಪ್ರೀತಿಸಿ. ಬಣ್ಣದ ಹೋಲಿಕೆ, ಅಂತಸ್ತಿನ ಪ್ರಶ್ನೆ, ತೂಕ- ದಪ್ಪ- ಗುಂಡು ಗುಂಡಾಗಿದೆ...... ಹೋಲಿಕೆ ಬಿಟ್ಟು ಬಿಡಿ. ಆರೋಗ್ಯಕ್ಕೆ ಮಹತ್ವ ನೀಡಿ. ಜಗತ್ತಿಗೊಂದು ಹೊಸ ತಲೆಮಾರಿನ ಆಗಮನವಾಗುತ್ತಿದೆ.... ಮುಗ್ಧ ಮನಸು ಜನಿತವಾಗಿದೆ. ಅದಕ್ಕೊಂದು ಒಳ್ಳೆ ಜೊತೆ/ ಗೆಳತಿ/ ಪಾಲಕಿ....ನೀವೇ....!

                                                                         ಅದರಲ್ಲೂ ಮಗುವಿನ ಎದುರಲ್ಲಿ ಅವಳು/ಅವನ ಬಣ್ಣ ನೋಡು....!ಶೈಲಿ ನೋಡು..... ಹೋಲಿಕೆಯೆಂಬ ಚಟ....ನಿಲ್ಲಿಸಿ. ಹೋಲಿಕೆ ಇದ್ದರೂ ನಿಮ್ಮ ಮಗುವಿನ ಎದುರು ಬೇಡ...ಮಗು ಉತ್ತಮ ನಾಗರಿಕನಾಗಲು ಇವೆಲ್ಲ ಅರ್ಹತೆಯಲ್ಲ....!
ತಾಯಿಗೆ" ಅಳುವ ಕಂದನ ತುಟಿ  ಹವಳದ ಹಾಗೆ "ಕಂಡಿದ್ದು  ಇಂದಿಗಲ್ಲ.... ಅಂದಿನಿಂದ  ಮುಂದಿನವರೆಗೂ ....ಅಮ್ಮನ ಕೈ ಬೆರಳು ಸೋಕಿದರೂ ಸಾಕು ಪುಟಾಣಿಯ ಮುಖದಲ್ಲಿ  ಖಿಲಾಡಿ ನಗು ಮೂಡಲು.
ಜಗದ ಪರಿಯ ಬಗೆಗೆ ತಲೆ ಕೆಡಿಸಿಕೊಳ್ಳಬೇಡಿ. ಮಗು ನಿಮ್ಮದಾಗಿರಲಿ...ಆರಂಭದಿಂದಲೇ ಅದರ ಬೌದ್ಧಿಕ ಸಾಮರ್ಥ್ಯಕ್ಕೆ ಅನುಗುಣವಾಗಿ ವರ್ತಿಸಿ. ಕಲಿಕೆಯಲ್ಲಿ ಎಲ್ಲಾ ಮಕ್ಕಳು  ಮೊದಲನೇ ಸ್ಥಾನದಲ್ಲಿ ನಿಲ್ಲಬೇಕೆಂಬ ಜರೂರತ್ತು/ ನಿಯಮ ಎಲ್ಲೂ ಇಲ್ಲ.
ಬದುಕುವ ಕಲೆ, ಸ್ವಂತ ಆಲೋಚಿಸುವ ಗುಣ, ಸ್ವಚ್ಚತೆ, ವಯಸ್ಸಿಗೆ ಬಂದ ಮೇಲೆ ಜವಾಬ್ದಾರಿಯುತ ಪ್ರಜೆಯಾಗುವ  ಅರ್ಹತೆ .... ತಿಳಿಸಿ. ಪ್ರೇರೇಪಿಸಿ. ಆಟದ ಮೂಲಕ   ಪಾಠ  ನಿರ್ವಹಿಸುವ ಜವಾಬ್ದಾರಿಯಲ್ಲಿ ಒಂದಿಷ್ಟು ಅಮ್ಮಂದಿರ ಪಾಲಿದೆ ತಾನೇ...?

                           ಮಗುವಲ್ಲಿ ಮಗುವಾಗಿ ಗೆಳತಿಯರೆ,  ಜಗದ ಜಂಜಡ ವೆಲ್ಲ  ಕ್ಷಣಾರ್ಧದಲ್ಲಿ ಮಾಯ!

ಸದ್ಭಾವದಿಂದ... ಅಮ್ಮನಾಗಿ.....

ಚಂದ್ರಿಕಾ ಹೆಗಡೆ

5 ಕಾಮೆಂಟ್‌ಗಳು: