ಕಡಲು ಕಾಯುವದಿಲ್ಲ ಗೆಳತಿ ,
ಕಣ್ಣಿಗಿಷ್ಟೇ ! ಅಷ್ಟಗಲ ಗೋಚರ
ನಿನ್ನ ಕಣ್ಣಂಚಿನ ಬಿಂದುಗಿಂತಲೂ
ಉಪ್ಪು, ನದಿ ನೀರು ಸೇರುತ್ತಿದ್ದರೂ....
ಕಾಲ ಕಾಯುವದಿಲ್ಲ ಗೆಳತೀ,
ಅಗೋಚರ, ಕ್ಷಿಪ್ರಗತಿ
ನಿನ್ನ ನೆನಪು ಮರುಕಳಿಸಿದಾಗಲಂತೂ
ನಿಶ್ಚಲವಾಗಬಾರದೇ ? ನನ್ನ ಕೇಳೀತೇ?
ನಿನ್ನೊಪ್ಪಿಗೆಯೊಂದೆ ಸಾಕೆನಗೆ
ತಿರುಗಿಸಲು ಮರುಕಳಿಸಲು
ಅನೂಹ್ಯ ತೆರೆಗಳಿಗೆ ಬರವಂತೂ ಇಲ್ಲ
ಕಡಲ ಗಂಭೀರ , ಕಾಲ ಗತಿ ನಿಲ್ಲಬಾರದೇ ?
ಕಡಲು ಸಹನೆಯಿಂದ ಇರುವದಿಲ್ಲ ಗೆಳತೀ
ನಿನ್ನ ಮುಗ್ಧತೆ, ಕಾಯುವಿಕೆ ಅದಕ್ಕೆಲ್ಲಿ ಬರಬೇಕು ?
ಕಾಡುತ್ತದೆ, ಸುಮ್ಮಸುಮ್ಮನೆಯೇ
ನಿಂತಲ್ಲಿ ನಿಲ್ಲದ ಭಾವ ಹೊಮ್ಮಿಕೆಗಳು
ನಿಶ್ಶಬ್ದತೆಯಿಂದ ಸೋರಿಹೋಗುತ್ತದೆ
ಗೊತ್ತಿಲ್ಲದೆಯೇ ...
ಬಾಳ ಬಿಂಬದಲ್ಲಿ ನಿನ್ನ ನೆರಳು !
ಕಂಡೀತೆ ? ಒಮ್ಮೆ- ತಿರುಗಿ ನೋಡಲೇ ?
ಬಿಟ್ಟ ಮನದ ಸಂಗದಲ್ಲಿ
ಒತ್ತೊತ್ತಾಗಿರುವ ಯಾವ ನೆನಪ ಕರೆಯಲಿ ?
ದೂರ ಸಾಗರದಲ್ಲಿ ಮಿಂಚಿನಗತಿಯಲ್ಲಿ
ಹೊರಟು ನಿಂತ ನಿನ್ನ .... ಮರು ನುಡಿಯದೇ
ಕಡಲು ದೂಡಿ- ದೂಡಿ ತರಬಾರದೇ ?
ಅಲೆಯೊಂದಿಗೆ ನಿನ್ನ
ದಡಕ್ಕೆ - ನನ್ನೀ ಸನಿಹಕ್ಕೆ
ನಿನ್ನ ನೆನಪ ಹೊತ್ತು ಕಡಲ ಕಾಯುತ್ತಿರುತ್ತೇನೆ .
ಕಡಲ ಹತ್ತಿರ ಕಾಯುವದು ಇಲ್ಲವಾದರೂ, ಕರೆಗಾಗಿ ಕಾಯುತ್ತಿರುವ
ಚಂದ್ರಿಕಾ ಹೆಗಡೆ
Chandrika,
ಪ್ರತ್ಯುತ್ತರಅಳಿಸಿsundara kavana
kaayutiruva santhoshave bere allave?
heege bareyuttiru
thank u kanoo....
ಪ್ರತ್ಯುತ್ತರಅಳಿಸಿThumba chennagi bardidira:)
ಪ್ರತ್ಯುತ್ತರಅಳಿಸಿhai prabhaa raa beda baradde saaku.... thank u
ಪ್ರತ್ಯುತ್ತರಅಳಿಸಿhinge abhipraaya bartaa irli....