ಪುಟ್ಟನೊಂದು ಪುಸ್ತಕ ಹಿಡಿದು
ಓದಲೆಂದು ಕುಳಿತನು
ಅಯ್ಯೋ ! ಈಗ ಬಂದೆ ಎಂದು
ಆಟಕೆಂದು ಎದ್ದನು .
ಆಟವಾಡಿ ಸುಮ್ಮನೆಯೇ
ಓಡಿ ಬಂದು ಕುಳಿತನು
ಅಮ್ಮ ಎಂದ್ರೆ ಹೆದರಿಕೆಯೆಂದು
ಪುಸ್ತಕ ಹಿಡಿದು ಕುಳಿತನು.
ಕೈಯಲ್ಲಿರುವ ಪುಸ್ತಕ ಬಿಟ್ಟು
ಮೇಲೆ, ಕೆಳಗೆ ನೋಡಿದನು
ಅಯ್ಯೋ ದೇವರೇ ಪಾಸು ಮಾಡು
ಎಂದು ಮೊರೆಯಿಟ್ಟನು .
ಪರೀಕ್ಷೆ, ಪೆನ್ನು, ಹಾಳೆಯೆಂದು
ಅಮ್ಮಾ.. ಹಣ ಎಂದನು
ಚಿಲ್ರೆಯಿಲ್ಲದಿದ್ದರೆ ನೋಟು ಕೊಡು
ಎಂದು ಹೇಳಿ ಬಿಟ್ಟನು .
ಕೊಟ್ಟ ಹಣ ನೇರವಾಗಿ
ಅಂಗಡಿಗೆ ಹಾಕಿ ಬಿಟ್ಟನು
ಪೆನ್ನು ಇಲ್ಲ , ಹಾಳೆ ಇಲ್ಲ
ಚಾಕಲೆಟನ್ನೇ ತಿಂದನು.
ಶಾಲೆಯಲ್ಲಿ ಗುರುಗಳೆಲ್ಲ
ಪುಟ್ಟನನ್ನ ಬೈದರು
"ನೀನು ಪಾಸು ಆಗಿಯೇ ಇಲ್ಲ "
ಎಂದು ಸಾರಿ ಬಿಟ್ಟರು .
ಪುಟ್ಟ ನೊಂದುಕೊಂಡು
ಶಾಲೆಯಿಂದ ಬಂದನು
ಅಂದಿನಿಂದ ಓದಿನಲ್ಲಿ
ಲೀನವಾಗಿಬಿಟ್ಟನು .
ಪುಟ್ಟನ ಪ್ರೀತಿಯ
ಚಂದ್ರಿಕಾ ಹೆಗಡೆ
ha ha ha ha Channagide Antu puttage Buddhi bandide iga :)
ಪ್ರತ್ಯುತ್ತರಅಳಿಸಿhaa bandide chennaagi oota idaane nanna kavitege inyavaaga spurthy aagtaano gottiilla!
ಪ್ರತ್ಯುತ್ತರಅಳಿಸಿidu sudha dalli 2005 feb 3 ralli prakata
ಪ್ರತ್ಯುತ್ತರಅಳಿಸಿ